Татарстанда узган тәүлектә коронавирусның 268 яңа очрагы теркәлгән, 27 кеше хастаханәгә озатылган. Бу хакта ТР Сәламәтлек саклау министрлыгының матбугат хезмәте хәбәр итә.
«18 яшькә кадәрге балалар – 61 кеше», - дип искәрттеләр ведомствода.
Казанда – 74, Түбән Кама районында – 25, Чаллыда – 19, Балтач һәм Яшел Үзән районнарында унсигезәр очрак ачыкланган.
Пандемия башланганнан алып республикада коронавирус инфекциясенең 137 786 очрагы теркәлгән, 129,7 меңнән артык кеше (шуларның 573е – узган тәүлектә) терелгән.
Республикада барлыгы 2 502 206 кеше (шуларның 1 045е – узган тәүлектә) коронавируска каршы прививка ясаткан, 1,9 миллионнан артыгы икенче дозаны да алган. 283 577 кеше кабат вакцинация узган.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез