Республикада бу елның мартыннан бирле 5,5 меңгә якын кешегә талпан кадалган

Ведомствода билгеләп үтүләренчә, быел республикада беренче талпан кадалу очрагы 25 мартта теркәлгән. Шул ук вакытта, идарә мәгълүматлары нигезендә, 2025 елның шул ук чорында талпан кадалудан 7737 кеше зыян күргән булган.

2026 елда талпан кадалу очраклары иң күп теркәлгән районнар һәм шәһәрләр:

• Казан шәһәре – 1847;
• Чаллы шәһәре – 507;
• Әлмәт районы – 330;
• Түбән Кама районы – 315;
• Бөгелмә районы – 230;
• Яшел Үзән районы – 224;
• Алабуга районы – 183;
• Баулы районы – 105;
• Зәй районы – 103;
• Азнакай районы – 101;
• Чистай районы – 98;
• Нурлат районы – 95.

«Талпан кадалу очракларының 85 проценттан артыгы шәхси йорт яны һәм бакча участокларында булган. 194 очракта талпаннар республикадан читтә кадалган», – диелә хәбәрдә.

БЕЗНЕҢ МАКС КАНАЛЫНА ЯЗЫЛЫГЫЗ!