17 декабрь 2025 Яңалыклар

Республикада сәнәгый җитештерү индексы 2025 ел нәтиҗәләре буенча 110 процентка җитәргә мөмкин

Татарстанда сәнәгый җитештерү индексы ел йомгаклары буенча 110 процентка җитәргә мөмкин. Бу хакта «Татар-информ» яза.

«Ел башыннан бездә зур үсеш күзәтелә – 5 триллион сумлык товар җитештерелгән һәм төяп җибәрелгән. Ел йомгаклары буенча сәнәгый җитештерү индексы 110 процент дәрәҗәсендә фаразлана», – диде Татарстан сәнәгать һәм сәүдә министры Олег Коробченко.

Чагыштыру өчен: 2024 елда Татарстанда сәнәгый җитештерү индексы 105 процент тәшкил иткән, 5,6 триллион сумлык продукция төяп җибәрелгән.

«Күп кенә юнәлешләр үсеш күрсәтә. Эшкәртү тармагы – лидерлар рәтендә. Автомобиль төзелеше хәзерге вакытта яңарту һәм реконструкция стадиясендә», – дип өстәде Коробченко.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет", минниханов, миңнеханов, Рөстәм Миңнеханов, Татарстан Рәисе, раис