ТР Рәисе Рөстәм Миңнеханов Дәүләт Советына еллык юлламасында волонтерлыкны һәм хәйриячелекне үстерүгә керткән өлешләре өчен тапшырылачак яңа Рәис премиясе – «Мәрхәмәтле Татарстан» булдырылуын игълан итте.
«Без катлаулы вакытларның җәмгыятьне ничек берләштергәнен күрәбез. Татарстанлылар йөрәк кушуы буенча безнең сугышчыларыбызга һәм аларның гаиләләренә ярдәм итә, фронтка һәм безнең карамактагы Лисичанск һәм Рубежное шәһәрләренә гуманитар ярдәм җыя. Бу мөһим эш өчен барыгызга да рәхмәт белдерәсем килә», – диде Миңнеханов.
Ул кешеләргә бушлай ярдәм итү һәм хезмәт күрсәтүнең бүген аеруча әһәмияткә ия булуын ассызыклады. Бу уңайдан «Татарстан Республикасы волонтерлыгын үстерүгә керткән өлеше өчен» мактау билгесе дә булдырылды.
Рәис сүзләренчә, яңа бүләкләр актив гражданлык позициясен күрсәтүчеләрнең, башкаларга ярдәм итүчеләрнең һәм Татарстанда мәрхәмәтлелек, үзара ярдәм традицияләрен ныгытучыларның казанышларын тану символы булачак.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез