24 ноябрь 2025 Яңалыклар

Республиканың 38 туристлык проекты илкүләм проект буенча ярдәм алачак

Туристлык инфраструктурасын үстерүгә, автомобиль туристлык маршрутлары янында капитал булмаган объектлар булдыруга юнәлтелгән проектларга дәүләт ярдәме күрсәтү буенча икенче конкурс сайлап алуга нәтиҗәләр ясалды. ТР Дәүләт туризм комитеты матбугат хезмәте «Татар-информ»га хәбәр иткәнчә, Татарстан Республикасының 19 муниципаль берәмлегеннән туризм өлкәсендәге 38 проект ярдәм алачак.

«Илкүләм проект кысаларындагы дәүләт ярдәме – туризм индустриясен үстерү өчен төп этәргеч. Ул эшкуарларга безнең белән бергә инфраструктураны яңартырга, яңа тарту нокталары булдырырга һәм туристлар өчен уңайлылыкны арттырырга мөмкинлек бирә. Проектларның 19 районда тормышка ашырылуы мөһим, чөнки бу бөтен республика буенча туризмны комплекслы үстерүгә ярдәм итә», – дип белдерде агентлыкка Дәүләт комитеты Рәисе Сергей Иванов.

Илкүләм проект акчасына, эшкуарларның өстәмә финанславы белән, Татарстан Республикасының урнашу урыннары, туристлык объектлары һәм юл сервисының күп функцияле зоналары территориясендә инфраструктура булдырылачак. Бу исә туристларга күрсәтелә торган хезмәтләрнең исемлеген һәм сыйфатын арттырырга мөмкинлек бирәчәк.

Конкурс «Туризм һәм кунакчыллык индустриясе» илкүләм проекты буенча уздырылды.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",