Ринат Таҗетдинов хакында: «Аны халык та, җитәкчеләр дә яратты»

Бүген Татарстанның һәм РСФСРның халык артисты Ринат Таҗетдиновны соңгы юлга озаталар.

"Татар халкы авыр кайгы кичерә. Безгә, бергә эшләгән хезмәттәшләренә бигрәк тә авыр. Ринат сәхнәгә гөрләп килеп керде дә төрле рольләрне шулкадәр оста уйнады. Хәтта кабәхәт рольләрне дә әйбәт уйнады. Аны халык та, җитәкчеләр дә яратты", - дип искә алды Татарстанның халык артисты Равил Шәрәфи.

Камал театры режиссеры Фәрит Бикчәнтәев аны яратмыйча мөмкин түгел, диде.