27 ноябрь 2025 Яңалыклар

Роскомнадзор быел 12 миллионнан артыграк сим-картаны япкан

Роскомнадзор ел башыннан бирле, “соры” базарга һәм телефон аша мошениклыкка каршы көрәш кысасында, 12,2 миллионнан артыграк аноним сим-картаны япкан. Бу хакта “РИА Новости” ведомствоның Пермь крае буенча идарәсе җитәкчесе Алексей Юшков мәгълүматларына таянып яза.

Абонентлар турында мәгълүматларның дөреслеген тикшерү кирәкле мәгълүматлар күрсәтелмичә генә рәсмиләштерелгән 12,2 миллионнан күбрәк сим-картаны ябуга китергән.
Аның әйтүенчә, аноним “симка”ларның законсыз әйләнешенә һәм телефон аша мошенниклыкка каршы комплекслы көрәшнең бер өлешенә әйләнгән бу. Шулай ук Роскомнадзор ел башыннан бирле, суд карарлары буенча, 730 интернет-ресурска керүне чикләгән.

Чикләүләр балигъ булмаганнарны җинаятьчелеккә җәлеп итүче, азартлы уеннар, наркотиклар белән бәйле яки үз-үзеңә кул салуга чакырган материаллар таратучы сайтларга кагыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!