15 октябрь 2025 Яңалыклар

Роспотребнадзор куркыныч БАДларга карата көрәш игълан итте

Роспотребнадзор маркетплейсларда ябыгу өчен тыелган препарат табылганнан соң БАДлар сатуны катгый чикләргә планлаштыра.

2026 елда үз көченә керергә тиешле яңа кагыйдәләр базарны намуссыз җитештерүчеләрдән чистартырга тиеш.

Норматив-хокукый актлар проектларының федераль порталында барлыкка килгән документ нигезендә, дәүләт теркәве узмаган, куркыныч матдәләр булган яки составы турында ялган мәгълүмат белән таратыла торган барлык продуктлар тыюга эләгәчәк. Шулай ук БАДларны гадәти азык-төлек продуктлары рәвешендә сатарга ярамаячак. Катгый контроль режимы алты ел дәвам итәчәк — 2032 елга кадәр.