17 ноябрь 2025 Яңалыклар

Россия Президенты террорчылык өчен гомерлек җәза билгеләү турында законны имзалады

Россия Президенты Владимир Путин террорчылыкка ярдәм күрсәтү һәм балигъ булмаганнарны диверсияләргә җәлеп итү өчен җәзаны кырысландыручы үзгәрешләрне раслады. Документ хокукый актлар порталында урнаштырылды.

Яңа закон яшүсмерләрне диверсияләргә җәлеп итү һәм вербовкалау өчен зуррак җаваплылык кертә. Моның өчен хәзер гомерлеккә иректән мәхрүм итү яки зур күләмдә штраф һәм 20 елга кадәр төрмәгә утырту яный.

Террорчылык эшчәнлегенә ярдәм күрсәткән өчен хәзер шулай ук гомерлеккә иректән мәхрүм итү яки 20 елга кадәр төрмәгә утырту һәм 1 миллион сумга кадәр штраф каралган. Моннан тыш, бу җәзаны куллану яше 14 яшькә кадәр киметелде.

Яңа федераль закон үз көченә керде.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!