27 февраль 2026 Яңалыклар

Россия төбәкләрендә быел Муса Җәлилгә тагын дүрт бюст ачылачак

Бөтендөнья татар конгрессы тырышлыгы белән герой-шагыйрьнең исемен мәңгеләштерү максатыннан Россиянең берничә төбәгендә һәм Донецк республикасында Муса Җәлилгә һәйкәл-бюстлар урнаштырылачак.

Бу хакта Бөтендөнья татар конгрессы Башкарма комитеты җитәкчесе урынбасары – Милли мәгариф, мәдәният һәм спорт комитеты җитәкчесе Сөләйман Рәхимов хәбәр итте, дип яза «Татар-информ». Аның сүзләренчә, шагыйрь исемен мәңгеләштерү юнәлешендәге эшләр системалы рәвештә алып барыла һәм быел тагын дүрт истәлекле билге ачу планлаштырылган.

«2021–2026 еллар аралыгында Россиянең төрле төбәкләрендә, Казахстан, Кыргызстан дәүләтләрендә Муса Җәлилгә 13 бюст куелды. Агымдагы елда Оренбург шәһәрендә, шагыйрь белем алган «Хөсәения» мәдрәсәсе каршында, Донецк республикасында, Самара өлкәсенең Сызрань шәһәрендә, Чиләбе өлкәсенең Кунашак авылында Муса Җәлил истәлегенә бюстлар ачу планлаштырылды», – дип билгеләп үтте Сөләйман Рәхимов.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",