Депутат Россиядә социаль газлаштыру программасы гамәлдә булуын искәртте, аның буенча газүткәргеч участок чигенә кадәр бушлай үткәрелә. Аның сүзләренчә, гражданнарга урам буенча торба сузу, тоташтыру һәм тышкы газүткәргеч проекты өчен түләргә кирәкми, әмма казан, плитә, счетчик сатып алу чыгымнарын милекчеләр үзләре күтәрә.
«Программада катнашу өчен дүрт мәҗбүри шартны үтәргә кирәк. Беренчедән, сезнең бакчачылык ширкәте яки участок газлаштырылган торак пункт чикләрендә булырга тиеш. Икенчедән, участок Росреестрда теркәлергә тиеш, ягъни кулыгызда Бердәм дәүләт күчемсез милек реестрыннан бирелгән документ булуы шарт. Өченчедән, йортның бакча өе кебек түгел, ә нәкъ менә торак йорт кебек рәсмиләштерелүе зарур. Дүртенчедән, заявка милекче тарафыннан яки бакчачылык ширкәтенең гомуми җыелышы карары белән бирелә», – дип билгеләп үтте Селезнев.
Парламентарий ачыклык керткәнчә, иң киң таралган проблемаларның берсе – төзелеш статусы. Әгәр документларда объект бакча йорты буларак күрсәтелгән икән, аны газга тоташтырып булмаячак – башта аны җирле хакимият аша торак фондына күчерергә кирәк.
Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез