Россия белгечләре илнең көньягында Конго-Кырым геморрагик бизгәгенең яңа штаммына тап булган. Бу хакта “РИА Новости” Сеченов университетының матбугат хезмәте хәбәренә таянып яза.
“Россиянең көньягында Конго-Кырым геморрагик бизгәге вирусының яңа штаммы ачыкланды. Тикшеренүдә Сеченов университеты (Мәскәү), Роспотребнадзорның Ставропольдәге чумага каршы институты, Пастер исемендәге Эпидемиология һәм микробиология фәнни-тикшеренү институты (Санкт-Петербург) һәм Роспотребнадзорның Эпидемиология үзәк фәнни-тикшеренү институты (Мәскәү) хезмәткәрләре катнашты”, – диелә хәбәрдә.
Университетта аныклап үтелгәнчә, әлеге чир Африканың кайбер илләрендә, Балканда, Якын Көнчыгышта, Азиядә таралган. Вирус шулай ук Россиянең Европа өлешендәге көньяк төбәкләрендә дә очраштыргалый.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез