Бу хакта "РОСТКИ: Россия һәм Кытай – үзара файдалы хезмәттәшлек" IV халыкара форумында Патрис Лумумба исемендәге Россия Халыклар дуслыгы университетының (РУДН) Көнчыгыш медицинасы институтының традицион Кытай медицинасы кафедрасы мөдире Владимир Попов әйтте. "Әгәр элек россиялеләр медицина хезмәте алу өчен Израильгә, Германиягә һәм Швейцариягә барсалар, хәзер пациентлар Кытай Халык Республикасын сайлый. Россиядән Кытайга барып дәвалану туризмы юнәлешендә бик зур үсеш теркәлде", - диде ул.
Аның әйтүенчә, моның өчен билгеле бер сәбәпләр бар. "Беренчедән, Кытай-медицина ярдәме зур үсеш алган дөньядагы икенче икътисад. Кытайда югары технологияле медицина ярдәмен, аерым алганда, инвазив булмаган дәвалау ысулларын, робототехниканы һәм башкасын куллану буенча зур тәҗрибә тупланган. Бу Россия пациентлары өчен җитди сәбәп булып тора", - диде Владимир Попов. Ул Кытай Халык Республикасында тарихы меңнәрчә еллар белән исәпләнгән һәм яхшы үсеш алган традицион Кытай медицинасы турында да әйтте. "Әлеге илдә кулланыла торган дәвалау һәм тернәкләндерү ысуллары пациентларга тизрәк аякка басарга ярдәм итә", - диде ул. Россия, шулай ук, Кытай халкы өчен медицина туризмы күзлегеннән бик кызыклы, диде Кытай-Россия тикшеренү биофармацевтика институты ректоры, академик, XY Group корпорациясенең беренче вице-президенты Цзяо Цзянь.
Аның әйтүенчә, Харбиндагы компанияләрнең берсе Россиядә хирурглар өчен белем бирү үзәге булдыру мәсьәләләре турында фикер алыша. Укыту барышында Кытай роботын кулланырга мөмкиннәр. "Без Россиядәге хезмәттәшләр белән уртак проектлар буенча эшлибез", - диде Цзяо Цзянь. Быел "РОСТКИ"да тәүге тапкыр "Россия-Кытай: сәламәтлек саклау өчен технологияләр" фәнни-эшлекле симпозиумы уза.
Сүз уңаеннан, хәзерге вакытта Татарстанда “Һәр кешегә сәламәтлек” төбәк проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез