27 февраль 2025 Яңалыклар

Рөстәм Миңнеханов белән Антон Алиханов "Kazan Truck Expo" күргәзмәсе белән танышты

Бүген Татарстан Рәисе Рөстәм Миңнеханов һәм Россия сәнәгать һәм сәүдә министры Антон Алиханов «Kazan Truck Expo» махсуслаштырылган күргәзмәсендә булдылар. Күргәзмә «Казан-Экспо» ХКҮ павильоннарында ачылды. Анда Россиянең 29 төбәгеннән 130дан артык предприятие катнаша. Экспозиция күбрәк автомобиль һәм автокомпонентлар җитештерүчеләргә багышланган. Исегезгә төшерәбез, күргәзмә Татарстан Республикасы Сәнәгать һәм сәүдә министрлыгы һәм «Автомобиль компонентларын җитештерүне үстерү турында»гы мәсьәләсенә багышланган Сәнәгать буенча координация советы коллегиясе кысаларында уза.

Рөстәм Миңнеханов һәм Антон Алиханов АвтоВАЗ, Соллерс, Россия Почтасы стендлары белән таныштылар.

Биредә шулай ук Алабуга автозаводында җитештерелгән тракторлар, Калининград электр двигательләре заводы продукциясе тәкъдим ителгән.

Түбән Камадан "Преттль-НК" фирмасы йөк, коммерция һәм пассажир автомобиль транспорты өчен кабель продукциясе җитештерү буенча Россия базарында лидер булып тора.

"Ростар" - чит ил һәм үзебездә җитештерелгән йөк автомобильләре, автобуслар һәм тагылма техника өчен автокомпонентлар эшләү, проектлау һәм җитештерү буенча махсуслашкан предприятиеләрнең (Чаллы) фәнни-җитештерү берләшмәсе.

Моннан тыш, үз продукциясен Саратов, Липецк, Ульяновск, Кемерово өлкәләре, Пермь крае предприятиеләре тәкъдим итте.

Рөстәм Миңнеханов Ростар, Татхимпласт (дөнья стандартларына туры килә торган югары технологияле полимер компаундлар җитештерү), Vezuma Мәскәү компаниясе (табигый һәм техник фәннәр өлкәсендә фәнни тикшеренүләр һәм эшләнмәләр, автотранспорт чаралары өчен электр һәм электрон җиһазлар җитештерү) һәм башка компанияләр төркемнәре экспозицияләрен карады.

Күргәзмәдә беренче газ-мотор комбайны күрсәтелде.

Күргәзмәдә катнашучылар арасында - "Татпромстан" компаниясе, "Химград" индустриаль паркы резиденты. Компания фрезер станоклар җитештерү белән шөгыльләнә, җитештерүне локальләштерү 80% ка җиткән.

"Kazan Truck Expo" күргәзмәсе 26 һәм 27 февральдә эшли. Күргәзмә кырларында Ремдизель, Соллерс, КАМАЗ компанияләре белән тәэмин итүчеләр көннәре һәм B2B-сөйләшүләр оештырылган.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!