22 октябрь 2026 Яңалыклар

Рөстәм Миңнеханов: «Бюджетның баланслылыгын тәэмин итү мөһим»

2026 елның 9 аенда Татарстанның берләштерелгән бюджетына 583,7 млрд сум кергән, шулардан шәхси керемнәр 486,9 млрд сум тәшкил иткән. Бу хакта Татарстан Республикасы Рәисе Рөстәм Миңнеханов 2026 елның тугыз аенда Татарстан Республикасы берләштерелгән бюджеты үтәлеше йомгаклары буенча финанс, казначылык һәм салым органнарының республика киңәшмәсендә хәбәр итте, дип яза «Татар-информ».

«Саннар начар түгел, әмма тыныч кына утырырга да ярамый. Хәзерге шартларда вазгыять бик тиз үзгәрә. Киләсе елга бюджетны шактый дефицит белән планлаштырабыз – 8,5 млрд сум. Без аның нинди акчалар белән капланачагын шунда ук аңларга тиеш. Чыгым йөкләмәләренә бик сак карарга кирәк. Безгә беренчел һәм социаль әһәмияткә ия йөкләмәләрне һичшиксез үтәү һәм бюджетның баланслылыгын тәэмин итү мөһим», - дип белдерде ул.

Рөстәм Миңнеханов ассызыклаганча, катгый финанс дисциплинасы дәүләт идарәсенең төп принципларының берсе булырга тиеш.

«Агымдагы шартларда төп бурыч – барлык керем чыганаклары буенча керемнәрнең уңай динамикасын дәвам итүне тәэмин итү», - дип билгеләде ул.

Татарстан Республикасы Рәисе физик затлардан милек салымнарын җыю буенча компания турында искә төшерде. Аның сүзләренчә, 1 декабрьгә кадәр 2,2 млн татарстанлы милек салымнарын түләргә тиеш.

Миңнеханов дәүләт һәм муниципаль органнарга, федераль хезмәтләргә һәм предприятиеләргә физик затларга билгеләнгән вакытта салым түләүне тәэмин итү өчен хезмәт коллективларында аңлату эшләре алып барырга кушты.

БЕЗНЕҢ МАКС КАНАЛЫНА ЯЗЫЛЫГЫЗ!

минниханов, миңнеханов, Рөстәм Миңнеханов, Татарстан Рәисе, раис, "нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",