Алабугага эш сәфәре кысаларында Рөстәм Миңнеханов «Елабуга купеческая» тарихи паркын үстерү концепциясе белән танышты.
Алабуга районы башлыгы Рөстәм Нуриев хәбәр иткәнчә, тарихи парк буенча бу елга куелган бурычлар тулысынча үтәлгән, коммуникацияләр һәм төзекләндерү белән алыштырылган.
Барлыгы ике мең метрга якын тротуар төзекләндерелгән, искечә стильләштерелгән яктырткычларны алыштыру, яшел зоналарны планлы төзекләндерү, агачлар утырту эшләре башкарылган.
Республика бюджетыннан бүлеп бирелгән акчалар ярдәмендә Говоров, Яр буе, Зур Покровская, Спас, Гассар һәм Казанская урамнары тротуарлары төзекләндерелгән.
Коммуналь инфраструктураны төзекләндерү белән бер үк вакытта әһәмиятле җәмәгать урыннарын реконструкцияләү буенча берничә проект гамәлгә ашырылган. Алар арасында мемориаль комплекс, Цветаева скверы һәм шәһәр пляжы.
Планда - алга таба Казанская, Балык мәйданы урамнарын, Тоймә урамнарын төзекләндерү, Шишкин буасы буенча эшләрне тәмамлау.
Рөстәм Миңнеханов тарихи территорияне алга таба үстерү проектларын югары бәяләде.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез