Рөстәм Миңнеханов Дәүләт Советына юллаган мөрәҗәгатендә: «Фейкларның таралуын даими рәвештә күзәтеп бару, аларның таралуына оператив рәвештә реакция ясау, халыкка тикшерелгән һәм дөрес мәгълүматны гына җиткерү зарур», - диде.
«Бүген Ватанны саклаучыларның, тыл хезмәтчәннәренең, фән алдынгыларының батырлыгын һәм каһарманлыгын патриотик проектлар аша популярлаштыру, барлык яшьтәге һәм төрле аудитория өчен уңайлы булган тиешле эчтәлекне булдыру һәм тарату бик мөһим», – диде ул.
Миңнеханов Россия дошманнарының тарихны яңадан язу омтылышларын кискен туктатырга кирәклеген ассызыклады.
«Без күрәбез, дошманнар дини һәм милли аспектларны кулланып, безнең җәмгыятьне бүлгәләргә омтылуларын туктатмыйлар. Безнең традицион рухи-әхлакый кыйммәтләребезне ныгыту буенча эшне көчәйтергә кирәк», – дип билгеләп үтте ул.
ТР Рәисе билгеләвенчә, республиканың милли һәм дини берләшмәләре белән конструктив диалог, милләтара һәм конфессияара тынычлыкны һәм татулыкны саклау өчен кирәкле шартлар тудыру дәүләт сәясәтенең өстенлекле юнәлеше булып кала бирә.
Аның сүзләренчә, соңгы елларда республикада төрле конфессияләргә караган 40 мөһим дини корылма торгызылган.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез