Татарстан Рәисе Рөстәм Миңнеханов Россия спортчысы Михаил Кокляевның татар телендә җыр башкаруын ишетте. Бу хакта ТР Рәисе Матбугат хезмәте җитәкчесе Лилия Галимова үзенең Телеграм-каналында язды.
«Ә сезнең Россиянең иң көчле кешесе Михаил Кокляевның татарча ничек җырлаганын ишеткәнегез бар идеме? Рөстәм Миңнеханов хәзер дә ишетте», – дип язып, видео урнаштырды Лилия Галимова.
Михаил Кокляев – авыр атлетика буенча сигез тапкыр Россия чемпионы, халыкара класслы спорт мастеры, спортның көч төрләре буенча күп тапкыр дөнья ярышларында катнашучы.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез