20 апрель 2026 Яңалыклар

Рөстәм Миңнеханов «Иннопром. Central Asia» күргәзмәсе белән танышты

Татарстан Рәисе Рөстәм Миңнеханов «Иннопром. Central Asia» күргәзмәсен карап чыкты. Татарстан Республикасы форумда үз стендын тәкъдим итте, анда 18 компания урнашкан. Чарада барлыгы республика эшлекле даирәләренең 120дән артык вәкиле катнаша, дип хәбәр итә ТР Рәисе матбугат хезмәте җитәкчесе Лилия Галимова.

Күргәзмәне карап чыгу барышында Россия һәм Үзбәкстан делегацияләре башлыкларына Үзбәкстанда яклар катнашында гамәлгә ашырыла торган проектлар күрсәтелде. Сүз, аерым алганда, Чирчик һәм Җизактагы сәнәгать мәйданчыклары турында барды.

Шулай ук, форум кысаларында Навоидагы сәнәгать мәйданчыгында «Арнест Юнигрупп Навои» предприятиесен эшли башлау тантанасы узды. Чарада видеоэлемтә аша Россиянең беренче вице-премьеры Денис Мантуров, Үзбәкстан премьер-министры урынбасары Җәмшид Хоҗаев, Татарстан Рәисе Рөстәм Миңнеханов һәм проект җитәкчесе Нормат Торсунов катнашты.

Көнкүреш химиясе һәм косметика җитештерүгә махсуслашкан компания, Татарстан Республикасы ярдәме белән проектны гамәлгә ашырган. Предприятие ел саен 85 миллион берәмлек продукция чыгарыр дип көтелә.

БЕЗНЕҢ МАКС КАНАЛЫНА ЯЗЫЛЫГЫЗ!

минниханов, миңнеханов, Рөстәм Миңнеханов, Татарстан Рәисе, раис, "нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",