Рөстәм Миңнеханов Интернационалист сугышчыларны искә алу көне белән котлады

Татарстан Рәисе Рөстәм Миңнеханов телеграм каналында республика халкын Интернационалист сугышчыларны искә алу көне белән котлады.

«15 февраль – Ватаннан читтә хезмәт бурычын үтәгән россиялеләрне искә алу көне. Бу дата – дөньяның төрле почмакларында Туган илнең мәнфәгатьләрен яклаган, намус һәм абруй белән Ватанга хезмәт иткән сугышчылар истәлегенә хөрмәт күрсәтү көне», - дип язган Республика Рәисе.

Миңнеханов шулай ук батырлык, бурычка тугрылык һәм какшамас рухи көче өчен сугышчыларга рәхмәт белдерде.

«Хәтерлибез, горурланабыз», – дигән ул.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!