Рөстәм Миңнеханов Иран илчесе белән хезмәттәшлек мәсьәләләре турында фикер алышты

 Бу хакта төбәк җитәкчесе матбугат хезмәтенә сылтама белән Татар-информ хәбәр итә.

Очрашу Казан Кремленең Губернатор сараенда узды. Татарстанга сәфәрен дипломат Казанда Иран мәдәнияте көннәренә туры китерде.

«Үзара хөрмәт, ачыклык һәм кунакчыллык – татарстанлыларны һәм иранлыларны якынайта торган сыйфатлар», – дип белдерде ТР Рәисе.

Рөстәм Миңнеханов Иранның Казандагы яңа Генераль консулы Мөхәммәт Босраины аерым сәламләде һәм аны билгеләнүе белән котлады. «Без Татарстан-Иран хезмәттәшлеген алга таба үстерү буенча бергә эшләячәкбез», – дип ышандырды ул. Татарстан ике дәүләт арасындагы мөнәсәбәтләр үсешенә үз өлешен кертергә тырыша, дип өстәде.

БЕЗНЕҢ МАКС КАНАЛЫНА ЯЗЫЛЫГЫЗ!