13 гыйнвар 2026 Яңалыклар

Рөстәм Миңнеханов Иран Президентының кайгысын уртаклашты

Татарстан Рәисе Рөстәм Миңнеханов, «Россия – Ислам дөньясы» стратегик караш төркеме рәисе буларак, Иран Президенты Масуд Пезешкианга массакүләм протестларда һәлак булганнарның туганнары һәм якыннары адресына кайгы уртаклашу сүзләре белән хат юллады. Бу хакта ТР Рәисе матбугат хезмәте җитәкчесе Лилия Галимова хәбәр итте.

«Кызганычка, тыныч халык арасында корбаннар бик күп, шуңа бәйле рәвештә илдә өч көнлек матәм игълан ителде», – дип өстәде Лилия Галимова.

«Татарстан Республикасы Иранда протест акцияләре вакытында кешеләрнең фаҗигале үлеме турындагы хәбәрне тирән кайгы белән кабул итте. Һәлак булганнарның гаиләләре һәм якыннары, шулай ук бу авыр чорда зыян күрүчеләрнең барысының да кайгыларын уртаклашабыз», – дип белдергән ТР Рәисе.

«Тотрыклылыкка һәм иминлеккә ирешү шарты буларак, диалог һәм үзара аңлашуның мөһимлеген аңлап, Иранда тынычлык урнашыр, ә барлык гражданнар үз иминлеген саклый алыр һәм гадәти тормышка әйләнеп кайтыр дип ышанам», – ди Рөстәм Миңнеханов.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",