Бүген Казанда Б.Рәмиев ис. ИТ-паркта «Станкин» Мәскәү дәүләт технология университеты һәм Татарстан Республикасы арасында хезмәттәшлек турында килешүгә кул куелды.
Килешүгә имзаларын «Станкин» Мәскәү дәүләт технология университеты ректоры Владимир Серебренный һәм Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Олег Коробченко куйдылар.
Станок-инструменталь сәнәгатьнең фәнни-технологик һәм кадрлар потенциалын, Татарстан Республикасының санлы җитештерү системаларын үстерү өлкәсендә хезмәттәшлек итү күз алдында тотыла. Документ Татарстан Республикасы Рәисе Рөстәм Миңнеханов барында имзаланды.
Кул кую тантанасы Россия фәне көнен бәйрәм итүгә багышланган чаралар кысаларында узды. Фән көне кысаларында ИТ-паркның икенче катындагы холлда махсуслаштырылган күргәзмә оештырылды. Биредә территорияләрнең экологик иминлеген тәэмин итү өчен атмосфера һавасы пычрануын мониторинглауның фәнни-методик нигезләре эшләнмәләре, «Биофармпарк» проекты - биофармацевтик препаратларның сынау җитештерүен сынау, Актив озак яшәү һәм реабилитацияләү үзәге, «Университет технологик эшкуарлыгы платформасы» стратегик инициативасы кысаларындагы проектлар һәм коммерциячел булмаган оешмаларның финансланган төркемнәре тәкъдим ителде. «ТР ИВФ», башка фәнни эшләнмәләр.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез