Очрашуда Рөстәм Миңнеханов ассызыклаганча, Татарстан гадәттәгечә дустанә Россия-Таҗикстан мөнәсәбәтләре кысаларында Таҗикстан белән хезмәттәшлекне үстерүгә зур әһәмият бирә. Товар әйләнеше күләме сизелерлек арта, Казан белән Таҗикстан шәһәрләре арасында даими авиаэлемтә гамәлгә ашырыла, мәдәният, фән һәм мәгариф өлкәләрендә багланышлар ныгый. Татарстан Рәисе Таҗикстан Президенты Эмомали Рахмонга иң изге теләкләрен җиткерүне сорады, аңа Татарстан-Таҗикстан хезмәттәшлегенә игътибары һәм ярдәме өчен рәхмәт белдерде, дип яза Татар-информ.
Хәбибулло Вохидзода БДБ илләре генераль прокурорлары координацион советының 36 нчы утырышында һәм ШОС әгъза-дәүләтләре генераль прокурорларының 24 нче утырышында катнашты. Ул чараларны оештыруның югары дәрәҗәсен билгеләп үтте.
«Барысы да югары дәрәҗәдә узды, эш өчен уңайлы шартлар тудырылды. Казан – бик матур шәһәр. Кунакчыллыгыгыз өчен зур рәхмәт», – диде Таҗикстан Генераль прокуроры.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез