«Бу катлаулы вакытларда Россия белән Казахстан эффектив сәүдә-икътисади һәм мәдәни-гуманитар партнерлыкны саклап калды. Татарстан-Казахстан хезмәттәшлеген үстерүгә аерым игътибар биргәннәре һәм уртак проектларны гамәлгә ашыруда ярдәм күрсәтергә әзерлекләре өчен Президент Касыйм-Җомарт Тукаевка рәхмәтлебез», – диде республика Рәисе.
Ул билгеләп үткәнчә, Казахстан – Татарстанның алдынгы чит ил партнерларыннан берсе. Үзара сәүдә күләмнәрендә динамик үсеш күзәтелә. Рөстәм Миңнеханов азык-төлек сәнәгате, машина төзелеше, авыл хуҗалыгы, энергетика, нефтехимия һәм башка тармакларда хезмәттәшлек өчен яхшы перспективаларны билгеләп үтте.
Республика Рәисе әйтүенчә, Татарстан-Казахстан үзара бәйләнешенең көн тәртибе бик бай. Төрле дәрәҗәдәге делегацияләр алмашу даими нигездә алып барыла. Казахстан, Астана һәм Алматы арасындагы даими авиация һәм тимер юл элемтәсе эшлекле хезмәттәшлекне һәм туристлык бәйләнешләрен үстерүгә ярдәм итә.
Рөстәм Миңнеханов Татарстанның Костанай өлкәсе белән үзара бәйләнешне киңәйтү мөмкинлеген югары бәяләвен ассызыклады. «Безнең берничә юнәлеш буенча элемтәләрне арттыру өчен яхшы нигез бар», – дип өстәде ТР Рәисе.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез