20 май 2026 Яңалыклар

Рөстәм Миңнеханов: «Луганск Халык Республикасындагы эшебез – шәһәрләрнең киләчәген торгызу»

ТР Премьер-министры Алексей Песошин һәм Аппарат җитәкчесе Әсгать Сәфәров ЛХРда Татарстан карамагындагы шәһәрләрдә булдылар. Бу хакта ТР Рәисе Рөстәм Миңнеханов МАКС каналында хәбәр итте.

«Рубежный шәһәрендә делегация ашыгыч ярдәм станциясен карады. Республика ярдәме белән монда пациентларны кайнар аш белән тәэмин итүче ашханә төзекләндерелде. Эшләрнең алдагы этаплары турында сөйләшүләр булды. Көнгә берничә тапкыр фронт сызыгына чыгучы фельдшерлар белән аралаштылар. Шәһәр башлыгы вазыйфаларын башкаручы Евгений Шаталин белән элеккеге Пионерлар йортын карадылар. Аның базасында заманча яшьләр үзәге һәм музей мәйданчыгы булдыруны планлаштырабыз. Мондый проектларны гамәлгә ашыру тәҗрибәбез белән уртаклашырга әзербез.

Лисичанск шәһәрендә мэр Эдуард Сахненко һәм ЛХР Төзелеш министрлыгы вәкилләре белән бергә су һәм җылылык белән тәэмин итүне торгызу мәсьәләләрен тикшерделәр. Төп бурыч – зыян күргән йортларны капиталь ремонтлау, якынча 100 объектны торгызуны төгәлләргә кирәк.

Луганск Халык Республикасындагы эшебез – төзелеш кенә түгел, ә яңа тормышны, өметне һәм шәһәрләрнең киләчәген торгызу. Татарстан һәрвакыт янәшә, бергәләп авырлыкларны җиңүгә әзер!» – дип Рөстәм Миңнеханов.

Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

минниханов, миңнеханов, Рөстәм Миңнеханов, Татарстан Рәисе, раис, "нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",