07 декабрь 2024 Яңалыклар

Рөстәм Миңнеханов массакүләм чараларда гражданнарның иминлеген тәэмин итүне йөкләде

Республика Хөкүмәте Йортында узган традицион киңәшмәдә Рөстәм Миңнеханов массакүләм чаралар уздырганда гражданнарның иминлеген тәэмин итүне йөкләде.

9 декабрьдә ил Ватан Геройлары көнен бәйрәм итәчәк. Ул чаралар оештырганда министрлыклар һәм ведомстволар, шәһәр һәм район башлыкларына Бөек Ватан сугышы ветераннарына, хәрби хәрәкәтләрдә катнашучыларга һәм СВО ветераннарына аерым игътибар бирергә кушты.

Моннан тыш, Рәис Татарстан Республикасы Хөкүмәтенә шәһәр һәм районнарда, шулай ук тиешле категорияләр буенча торак пунктларда үзәк чыршыларны иң яхшы бизәүгә конкурс игълан итәргә кушты.

«Яңа ел бәйрәмнәре чорында мәдәни-массакүләм һәм спорт чараларын планлаштырырга, Бөек Ватан сугышы ветераннарының һәм күп балалы гаиләләрнең балаларын Яңа ел белән котлауны оештырырга кирәк. Бәйрәм чараларында куркынычсызлыкны тәэмин итү мәсьәләләренә аеруча зур игътибар бирергә кирәк», - дип ассызыклады Рөстәм Миңнеханов.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!