Бүген Татарстан Республикасы Рәисе Рөстәм Миңнеханов «Иннопром.Беларусь» Халыкара сәнәгать күргәзмәсе чараларында катнаша. Бу хакта ТР Рәисе матбугат хезмәте хәбәр итә.
Минск халыкара аэропортында Рөстәм Миңнехановны Беларусь Республикасының Россиядәге Гадәттән тыш һәм Тулы вәкаләтле илчесе Александр Рогожник һәм башка рәсми затлар каршы алды.
Килеп җитүгә Рәис «Иннопром» үткәрү мәйданчыгына – Belexpo күргәзмә үзәге мәйданчыгына китте. Биредә Беларусь Республикасы җитәкчелеге, шулай ук Казахстан коллегалары белән очрашулар планлаштырылган.
Рөстәм Миңнеханов шулай ук «Иннопром.Берарусь» төп пленар сессиясендә катнашачак.
«Иннопром-2025» кысаларында Минскида Татарстан стендында Татспиртпром, ICL сервис, Эйдос һәм башка компанияләр тәкъдим ителгән.
Сүз уңаеннан, хәзерге вакытта «Нәтиҗәле конкурентлыкка сәләтле икътисад» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез