Рөстәм Миңнеханов Минтимер Шәймиевнең котлаучыларга рәхмәт белдерүен әйтте

Татарстан Дәүләт Киңәшчесе Минтимер Шәймиев туган көне уңаеннан җылы котлау ирештерүчеләрнең һәркайсына рәхмәт белдергән. Бу хакта республика Рәисе Рөстәм Миңнеханов үзенең телеграм-каналында хәбәр иткән. Исегезгә төшерәбез: Минтимер Шәймиевка бүген – 20 гыйнварда 88 яшь тулды.

“Минтимер Шәрипович янына кереп чыктык! Җылы сүзләрегез һәм котлауларыгыз өчен сезгә рәхмәт тапшыруны сорады!” – диелгән республика җитәкчесе постында.
Рөстәм Миңнеханов очрашудан фотосурәт тә урнаштырган.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!