Күргәзмә 12 тематик зонадан тора: мастер-класслар, Татарстан Республикасы стенды, ярминкә, финанс секторы, кадрлар, В2В, лаундж-зона, спорт, Һиндстан һәм Россия компанияләре, шулай ук медицина, мәгариф һәм авыл хуҗалыгы юнәлешләре.
65 күргәзмә стендында үз продукциясен һәм хезмәтләрен 97 компания тәкъдим итте, аларның 29ы – Һиндстаннан, 68е – Россиядән. Экспозициядә аерым урынны Татарстан халык кәсепләре зонасы били. Биредә үз продукциясен керамика эшләнмәләре, бизәнү әйберләре, төрле сувенирлар, милли кием һ.б. җитештерүчеләр тәкъдим итте.
«ТАЙМ» икенче Россия-Һиндстан бизнес-форумы Казанда 14-17 октябрь көннәрендә уза. Быел форум эшендә Россиянең 33 төбәге һәм Һиндстанның 24 штаты катнаша. Былтыр беренче тапкыр уздырылган «ТАЙМ» Россия белән Һиндстанның сәүдә-икътисади һәм инвестиция хезмәттәшлеген үстерү буенча уникаль мәйданчык сыйфатында үзен күрсәтте. Нәтиҗәдә конкрет килешүләр, яңа эшлекле контактлар һәм уртак башлангычлар барлыкка килде.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез