23 сентябрь 2026 Яңалыклар

Рөстәм Миңнеханов Шаньдун провинциясе һәм Татарстанның мәгариф форумында катнашты

Татарстан Рәисе эш сәфәре белән Кытайга килде. Чарада катнашучыларны сәламләп, республика Рәисе Татарстан югары уку йортларында ике меңнән артык кытай студенты белем алуын билгеләп үтте.

Шул ук вакытта Рөстәм Миңнеханов фәнни тикшеренүләр һәм гамәли эшләнмәләр буенча уртак проектлар өстендә эшнең җитәрлек дәрәҗәдә актив булмавына игътибарны юнәлтте.

Шулай ук Рөстәм Миңнеханов ноябрьдә Казанда узачак Россия һәм Кытай техник университетларының зур форумы турында хәбәр итте һәм Шаньдун университетларын Татарстанга чакырды.

БЕЗНЕҢ МАКС КАНАЛЫНА ЯЗЫЛЫГЫЗ!