Бүген Рөстәм Миңнеханов «Уйнагыз, гармуннар!» фестивале кысаларында гармунчылар чыгышын тыңлады.
«Гармунчылар парады» - Татарстан Республикасы һәм Россия Федерациясе регионнары гармунчыларының һәм үзешчән фольклор коллективларының бәйрәм йөреше.
Рөстәм Миңнеханов һәм ТР мәдәният министры Ирада Әюпова Казанда 1 Май мәйданында иҗат коллективлары белән очрашты.
Аралашу барышында Рөстәм Миңнеханов “Уйнагыз, гармуннар” фестивалендә катнашучы яшьләрнең берсенә музыкаль инструмент бүләк итте. Максат (егетнең исеме) - Пермь краеның бер мәктәбенең 9 сыйныф укучысы, төрле мәдәни чараларда, шул исәптән «Уйнагыз, гармуннар» республика фестиваль-бәйрәмендә актив катнашучы булып тора.
Исегезгә төшерәбез, "Уйнагыз, гармуннар!" фестивале беренче тапкыр 1985 елда узды. Шуннан бирле фестиваль ел саен уза.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез