Татарстан Рәисе Рөстәм Миңнеханов республика киңәшмәсендә 22 июньдә Россиядә Хәтер һәм кайгы көне билгеләп үтеләчәген искәртте. Бу хакта республика җитәкчесенең матбугат хезмәте хәбәр итә.
«Бу фаҗигале дата, ул безгә, җиңүчеләр буыны варисларына, ирек һәм тынычлык бәясе турында искәртә. Республика шәһәрләрендә һәм районнарында истәлекле чаралар узачак», - диде ТР Рәисе.
Миңнеханов 21 һәм 22 июньдә Татарстанның Питрәч районы Әлбәдән авылында Советлар Союзы Герое Петр Михайлович Гаврилов хөрмәтенә уздырылачак «Әлбәдән-2025» Бөтенроссия тарихи реконструкция фестивален аерым билгеләп үтте.
РФ Президенты Владимир Путин карары белән Россиядә 2025 ел - Ватанны саклаучылар елы дип игълан ителде.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез