04 декабрь 2025 Яңалыклар

Рөстәм Миңнехановның ислам дөньясында зур урын алып торуын әйттеләр

Татарстан Рәисе Рөстәм Миңнеханов Россия белән ислам дөньясы арасындагы мөнәсәбәтләрне үстерүгә үзеннән саллы өлеш кертеп килә. Ислам хезмәттәшлеге оешмасы (ОИС) генераль секретаре Хөсәен Ибраһим Таха Җиддә шәһәрендә Россия делегациясе белән очрашу вакытында шулай дип белдергән.

Очрашуда Россия ягыннан Президентның Эчке сәясәт идарәсе Дини оешмалар белән берлектә эшләү департаменты башлыгы, «Ислам мәдәниятенә, фәне һәм мәгарифенә ярдәм итү фонды» советы рәисе Евгений Еремин, фонд директоры Михаил Грязнов, «Россия – Ислам дөньясы» стратегик күзаллау төркеме рәисе урынбасары Марат Гатин, Россиянең Ислам хезмәттәшлеге оешмасы каршындагы Даими вәкиле Әскәр Тапов, Россия Федерациясенең Җиддәге генераль консулы Йосыф Әбәкәров катнашкан.

Сөйләшүләр барышында Россия мөселманнары белән төп халыкара ислам оешмасы арасында социаль әһәмиятле өлкәләрдәге хезмәттәшлекне үстерү мөмкинлекләре каралган.

Россия делегациясенең визитын «Россия – Ислам дөньясы» стратегик күзаллау төркеме оештырган.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

минниханов, миңнеханов, Рөстәм Миңнеханов, Татарстан Рәисе, раис, "нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",