Татарстанда рус теле буенча бердәм дәүләт имтиханы нәтиҗәләре билгеле булды. Быел бу фәннән 15 110 чыгарылыш сыйныф укучысы (узган елда – 14 283) имтихан тапшырган. Уртача балл – 65,05 (узган елда – 67,31). 32 бала сынауда “абынган”: минималь – 24 балл чиген уза алмаган. 31 укучы (2024 елда – 66) рус теленнән 100 балл җыйган.
Әлеге фән буенча йөз балл туплаучылар саны ягыннан Казанның Вахитов районындагы 131 нче лицей (3 укучы) беренче урынга чыккан. Бөгелмә шәһәренең 6 нчы мәктәбеннән – 2, КФУның IT-лицееннан һәм Казанның Совет районы 121 нче лицееннан – 2шәр бала иң зур балл җыйган.
Сүз уңаеннан, хәзерге вакытта Татарстанда “Яшьләр һәм балалар” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез