Чара республикада һәм татарлар күпләп яшәүче РФ төбәкләрендә яшәүчеләр арасында гаилә кыйммәтләрен ныгыту, тарихи хәтерне саклау һәм үз тамырларыңны өйрәнүгә кызыксынуны үстерүгә юнәлдерелгән.
Конкурста гаиләләр һәм шәхси авторлар, шул исәптән чит ил гражданнары катнаша ала.
Конкурс 4 номинация буенча үткәрелә:
- «Туган җиребез тарихында безнең гаилә»
- «Гаиләм традицияләре»
- «Хатын-кызлар - ыру сакчылары» (биштән дә ким булмаган буын хатын-кызларын өйрәнү) һәм
- белгеч-генеалоглар өчен «Һөнәри нәсел агачы»
Эшләр 2026 елның 25 октябренә кадәр эссе, видеофильм яки презентация рәвешендә ak.kalfak@mail.ru электрон почтасына кабул ителә.
Китерелгән материалларны БТКның Милли Шура рәисенең беренче урынбасары – Бөтендөнья татар конгрессы Башкарма комитеты җитәкчесе Данис Шакиров рәислегендәге абруйлы жюри бәяләячәк.
Тулырак биредә укырга мөмкин.
Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез