12 ноябрь 2026 Яңалыклар

Санаторийга бушлай юллама алу мөмкинлегенә ия булган СВО ветераннары исемлеген киңәйтмәкчеләр

Россия Сәламәтлек саклау министрлыгында ОМС полисы буенча санаторий-курорт шартларында сәламәтлекләрен ныгыта алу мөмкинлегенә ия булган СВО ветераннары һәм башка затлар исемлеген киңәйтергә тәкъдим иткәннәр. 2027 елга бушлай медицина ярдәменең дәүләт гарантияләре программасы проектында күздә тотылган бу, дип яза «Российская Газета».

Документ нигезендә, Россия территориясенә бәреп керү максатындагы кораллы һөҗүмне, дәүләт чигендә, аның янындагы территорияләрдә кораллы һөҗүмнәрне кире кайтару бурычларын үтәгән махсус хәрби операциядә катнашучыларга, шулай ук 2014 елның 11 маеннан Донецк һәм Луганск халык республикалары формированиеләрендә хәрби хәрәкәтләрдә катнашучыларга да шундый ук хокук бирү тәкъдим ителә. Киңәйтелгән исемлеккә әлеге категорияләрдәге гражданнарның гаиләләре әгъзалары да кертеләчәк.

Төбәкләргә 2027 елның 1 апреленә кадәр СВО ветераннарын һәм аларның якыннарын кабул итә алырдай санаторий-курорт оешмалары исемлеген расларга кирәк булачак.

Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга