Шиһабетдин Мәрҗани турындагы «Укытучы» фильмы 80 миллионга төшәчәк

«40 миллионны Россия Федерациясе бирде. 40 миллионны – Татарстан белән Үзбәкстан. Якынча 80 миллион. Нәкъ менә фильмның тулы бюджетын тутырабыз һәм күпмегә сыешканыбыз аңлашылачак», – дип җавап бирде фильмның продюсеры Миләүшә Айтуганова «Алтын мөнбәр» фестиваленә багышланган матбугат конференциясендә.

Фильм Татарстан һәм Үзбәкстан киноучреждениеләре хезмәттәшлеге кысаларында эшләнгән, ә аны җитештерүдә «Мосфильм» киноконцерны базасында «Фильм Фьюжн ПРО» кинокомпаниясе, РФ Мәдәният министрлыгы, Үзбәкстан Республикасы Мәдәният министрлыгы каршындагы кинематография агентлыгы һәм «Татаркино» ТР Дәүләт бюджет учреждениесе катнаша.

Фильмның режиссерлары – Татарстаннан Рамил Төхвәтуллин, Үзбәкстаннан – Илһам Мөхәммәдиброхимов.

«Укытучы» быел «Алтын мөнбәр» фестивален ачу фильмы булачак, дип яза Татар-информ.

БЕЗНЕҢ МАКС КАНАЛЫНА ЯЗЫЛЫГЫЗ!