24 февраль 2026 Яңалыклар

Шикле сылтамалар аша банк кушымталарын урнаштырмаска чакырдылар

NFC-мошенниклардан саклану өчен шикле сылтама аша банк кушымталарын урнаштырмау һәм контактсыз түләүдән сирәк файдаланган очракта NFCны сүндерү мөһим. Бу хакта «РИА Новости» Эчке эшләр министрлыгы мәгълүматларына таянып яза.

Хокук саклау органнары хәбәрләр һәм хатлардагы сылтамалар аша кушымталар урнаштыруның куркыныч белән янавын белдергән. Фәкать кушымталарның рәсми кибетләреннән һәм банк сайтларыннан гына файдаланырга кирәк, дип белдерелгән ведомствода.

Моннан тыш Эчке эшләр министрлыгында искәртеп үтелгәнчә, банк яки полиция хезмәткәрләре, кушымтаны бетереп, аның урынына, янәсе, сылтама аша махсус кушымта урнаштыруны беркайчан да сорамый. Бары тик аферистлар гына бөтен акчаны «имин счет»ка күчерергә, соңыннан банкомат янында ниндидер гамәлләр кылырга күндерә.

Моннан тыш Эчке эшләр министрлыгы кушымтаны эшләүченең кем икәнлеген һәм сайт адресын тикшерергә киңәш итә.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"