Син – кайсы фасыл?

1. Иң яраткан ел фасылыгыз кайсы?

А. Яз. Бар да яңара, һава сафлана!

Б. Җәй. Көннәр озыная, кояш кыздыра!

В. Көз. Төсләрдән күзләр камаша, уйланырга вакыт барлыкка килә.

Г. Кыш. Тып-тыныч, бар дөнья ап-ак, йокылы-уяулы йөрисең...

2. Дусларыгыз белән ниләр эшләргә яратасыз?

А. Яңа урыннарда булырга, паркларда йөрергә, табигатькә чыгарга.

Б. Диңгез ярында ял итәргә, дачага барырга.

В. Өйдә тәмләп чәй эчәргә, сөйләшергә.

Г. Кино карарга, өстәл уеннары уйнарга.

3. Сезнең төп үзенчәлегегез нидә?

А. Мин – оптимист, һәрвакыт яңа идеяләр уйлап табып торам.

Б. Мин бик хәрәкәтләнүчән, үсешкә омтылам, теләгемә ирешәм.

В. Мин уйланучан, моңлы, матурлыкны яратучы.

Г. Мин тыныч, ышанычлы.

4. Эш яки уку вакытында сез ничек эшлисез?

А. Яңа проектлар башлыйм, башкаларны рухландырам.

Б. Һәрвакыт югары нәтиҗәләргә ирешергә тырышам, бик күп эшлим.

В. Бик озаклап уйлыйм, тирән фикерлим, детальләргә игътибар бирәм.

Г. Иң мөһиме – план кору. Авырлыкларга сабырлык белән карыйм.

5. Сезгә иң ошамаганы – нәрсә?

А. Тормышның бер рухта агуы, көндәлек эшләр, ирексезлек.

Б. Акрынлык, булган мөмкинлекләрне куллана алмау.

В. Иҗтимагый басым, ялган.

Г. Стресс, тотрыксызлык, иминлекнең югалуы.

Җавапларны саныйбыз.

Күбесе “А” булса, СЕЗ – ЯЗ!

Сез – яңарыш, үсеш һәм өмет билгесе. Сез, яз кебек, кешеләрне җанландырасыз. Иң яхшы сыйфатларыгыз – кызыксынучанлык, ачык күңеллелек.

Күбесе “Б” булса, СЕЗ – ҖӘЙ!

Сез – кояш! Сез җәй кебек җылы, кайнар, башкаларны үзегезгә тарта беләсез. Иң яхшы сыйфатларыгыз – максатларыгызга ирешүгә бар көчегезне сарыф итәргә әзер булуыгыз һәм тирә-яктагы кешеләрне рухландыруыгыз.

Күбесе “В” булса, СЕЗ – КӨЗ!

Сез – тирәнлек һәм романтика билгесе. Көз кебек моңлы, уйланучан сез. Матурлыкны күрә беләсез һәм тирән хисләр белән яшисез.

Күбесе “Г” булса, СЕЗ – КЫШ!

Сез – тынычлык, зирәклек, ныклык билгесе. Сез, кыш кебек, тышкы салкынлыкка карамастан, эчегездә җылылык саклыйсыз. Сездәге тынычлык һәм зирәклек башкаларны да тынычландыра.

*Әлеге тестны һәм нәтиҗәләрен күңелегезгә якын алмавыгыз һәм кәефне күтәрү чарасы буларак кабул итүегез сорала.

Дөрес сүзгә җавап юк – руб

Һәркем үз өлешенә тигән авырлыкларны дөньядагы иң зур авырлыклар дип саный.

Герман Гессе

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!