“Метео” фараз үзәге җитәкчесе Александр Шувалов “Татар-информ” хәбәрчесенә шул хакта сөйләп үткән.
“Һава болытлардан арыначак. Аязып, суытачак. Пәнҗешәмбе көндезге сәгатьләрдә республикада -11...-16, җомга -17...-19, шимбә һәм якшәмбе төнге сәгатьләрдә -20...-25, көндез -15...-20 градус булачак. Кыскасы, беренче эш атнасы суык алып киләчәк”, – дип билгеләп үткән ул.
Казанда, Чаллы һәм республиканың көнчыгышында бигрәк тә суыта. Суыта башланган чорда көньяк-көнчыгыштан секундына 10-12 метр тизлектә җил көтелә. Шуннан соң җил бетә. “Бу суыкларны Хач ману алды суыклары дип атыйсым килә, чөнки нәкъ менә Хач ману көнендә -19 гыйнварда, бераз гына сындырачак. Һава температурасы -15 градус чамасы, аз гына кар булырга мөмкин”, – дигән Шувалов.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез