04 гыйнвар 2026 Яңалыклар

Синоптиклар көчле буран дүшәмбе иртәсенә кадәр дәвам итәчәк дип кисәтә

Татарстанда буранлы һава торышы дүшәмбе, 5 гыйнвар иртәсенә кадәр көтелә. Бу хакта ТР Гидрометүзәге хәбәр итә.

Бүген төнлә һәм иртәгә иртән республика территориясендә, шул исәптән Казанда, көчле буран дәвам итәчәк. Күз күрүчәнлеге 1000 метрга кадәр кимиячәк.

Көньяк-көнбатыштан исүче җил көчәячәк: аның секундына 15–20 метрга кадәр (Казанда – 15–17 м/с) тизлеккә ирешүе мөмкин.

Төбәк юлларында бозлавык саклана, шулай ук кар өермәләре дә булачак.

Элегрәк ТР Гидрометүзәге якшәмбе көнне республиканы буран һәм көчле җил каплаячагын хәбәр иткән иде. Синоптиклар алдан ук Татарстанда һава торышының иң начар чагы 4 гыйнварга туры киләчәген хәбәр иткән иде.

Дәүләт автоинспекциясе татарстанлылардан һава торышы начар булу сәбәпле, торак пунктлардан чыкмаска, шәхси автотранспортта сәфәрләрдән бөтенләй баш тартырга һәм кар чистарту техникасына комачауламаска сорый.

Төбәк юлларында куркынычсызлыкны тәэмин итү өчен «Буран» оператив планы үзгәртелде һәм расланды. ТР Рәисе Рөстәм Миңнеханов республика халкына үзләрен сакларга һәм кар өермәләре, бураннар аркасында юлларда игътибарлы булырга чакырды.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

минниханов, миңнеханов, «милли проектлар», «национальный проект», «Профессионалитет», илкүләм проект, Илкүләм проектлар, милли проект, нацпроект,