Татарстанда соңгы тәүлектә коронавирус йоктыруның 62 яңа очрагы теркәлде. Бу хакта Роспотребнадзорның Татарстан буенча идарәсе җитәкчесе урынбасары Любовь Авдонина хәбәр итте. Республикада пандемия башланганнан бирле авыручыларның гомуми саны 9 мең 428 кешегә җитте.
Любовь Авдонина хәбәр иткәнчә, чирнең тәүлек эчендә үсеше 0,7 процент дәрәҗәсендә тора. Уртача атналык күрсәткеч тә шундый ук.
Мәктәпләргә килгәндә, 9 сыйныф карантинга күчерелгән. Болар Казанда һәм Менделеевскта - дүрт, Түбән Камада бер сыйныф. Республиканың мәгариф учреждениеләрендә пандемия башыннан бирле чир йоктыруның 158 очрагы табылган. Коронавирус 37 студентта һәм 81 укытучыда расланган.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез