Сорокин: «Татарстан тотрыклы рәвештә социаль-икътисадый үсешнең югары нәтиҗәләрен күрсәтә»

Россия Икътисадый үсеш министры урынбасары Святослав Сорокин Татарстанда социаль-икътисадый тотрыклылыкны тәэмин итү буенча оператив штабның һәм Татарстан Икътисад министрлыгының еллык коллегия утырышында республиканың илнең социаль-икътисадый үсешенә керткән өлешен югары бәяләде.

«Татарстан тотрыклы рәвештә социаль-икътисадый үсешнең югары нәтиҗәләрен күрсәтә һәм төп күрсәткечләр - инвестицияләрдән һәм сәнәгатьтән алып шәһәр мохите сыйфатына кадәр әйдәп баручылар рәтенә керә. Бу төбәктәге идарә командасының килешеп эшләве һәм федераль үсеш чараларыннан нәтиҗәле файдалана белүе нәтиҗәсе", - диде ул.

Святослав Сорокин әйтүенчә, республикадагы "Алабуга" һәм "Иннополис" махсус икътисадый зоналары күп еллар дәвамында үзләренең нәтиҗәлелеген раслый һәм илдәге иң уңышлы мәйданнарның берсе булып калалар. "Үсеш күрсәткечләрен киметмәү һәм алга таба да инвестицион активлыкны арттыру өчен мөмкин булган барлык чаралардан файдалану мөһим", - диде Россия икътисадый үсеш министры урынбасары.

Сүз уңаеннан, хәзерге вакытта “Нәтиҗәле конкурентлыкка сәләтле икътисад” илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"