08 октябрь 2026 Яңалыклар

СВОда катнашкан Александр Потанинга вафатыннан соң Россия Герое исеме бирелде

Россия Президенты Указы белән махсус хәрби операциядә катнашкан медицина хезмәте лейтенанты Александр Потанинга вафатыннан соң Россия Герое исеме бирелде.

Татарстан Рәисе Рөстәм Миңнеханов геройның гаиләсе белән очрашып, аларга «Алтын Йолдыз» медален тапшырды.

Александр Потанин – махсус операция барышында Россия Герое исеменә лаек булган 20 татарстанлының берсе. Ул яраланган хәрбиләргә ашыгыч медицина ярдәме күрсәткән, аларны сугыш зонасыннан эвакуацияләүне оештырган. Хәрби табиб 2023 елның ноябреннән 2026 елның февраленә кадәр якынча 3 мең пациент кабул иткән, 1,2 меңнән артык операция ясаган. 2025 елның октябрендә ул, яралыларны госпитальгә алып барганда, медицина төркеменә һөҗүм ясаган ике дронны юк иткән.

Александр Потанин 2026 елның 6 мартында авырудан вафат була. Очрашуда Татарстан Рәисе аның якыннарының авыр кайгысын уртаклашты, Александр Владимировичны илнең чын патриоты һәм яшь буын өчен үрнәк дип атады.

БЕЗНЕҢ МАКС КАНАЛЫНА ЯЗЫЛЫГЫЗ!

СВО, эвакуированные, эвакуируемые, донбасс, днр, лнр , донецк , луганск , донецкая , луганская , переселенцы , украина , фейк , санкции , импортозамещение , "служба по контракту" , мобилизация , мобилизованные , "специальная военная операция" , "герой ро