Россия Хөкүмәте СВОда катнашучыларга бушлай икенче урта һөнәри белем алу хокукын бирә торган закон проектын хуплады. Бу хакта ТАСС хәбәр итә.
Тәкъдим «Белем бирү турында»гы законга төзәтмәләр кертүне күздә тота. Үзгәрешләр мобилизацияләнгән хәрбиләргә, контрактчыларга, ирекле нигездә хезмәт итүчеләргә һәм СВОда катнашучы һәркемгә кагыла.
«РФ Хөкүмәте закон проектын, әйтелгән күрсәтмәне исәпкә алып, камилләштереп бетерү шарты белән хуплый», – диелә бәяләмәдә.
Искәртеп үтәбез, июньдә РФ Президенты Владимир Путин махсус хәрби операция катнашучыларына бушлай икенче һөнәри белем алу мөмкинлеген бирү идеясен хуплады һәм оператив рәвештә кирәкле чаралар күрергә кушкан иде.
Сүз уңаеннан, хәзерге вакытта Татарстанда “Кадрлар” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез