20 апрель 2026 Яңалыклар

Табиб шикәр чиренең яңа төре турында сөйләде

Мәскәү өлкәсе Сәламәтлек саклау министрлыгының штаттан тыш баш эндокринологы Инна Мисникова «Радио1» хәбәрчесе белән әңгәмәсендә, начар туклану сәбәпле чыгып, бик озак вакытлар буе үзен сиздермәгән шикәр чиренең яңа төре турында сөйләп үткән.

Аның әйтүенчә, чирнең бу төре балачакта туйганчы ашамаудан килә һәм башлыча Африканың фәкыйрь дәүләтләрендә һәм Азиянең кайбер төбәкләрендә очрый.

«Биредә эш ашказаны асты бизенә бәйле. Анда инсулин эшләп чыгаруга җаваплы бета-күзәнәкләр үсми. Сәбәбе – аксым җитмәү», – дип аңлатып үткән Мисникова.

Белгеч билгеләп үткәнчә, әлеге чир элегрәк Бөтендөнья сәламәтлек саклау классификациясенә кергән, әмма соңрак төшереп калдырылган. Хәзер аны янә кире кайтару турында уйлыйлар.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"