Такси йөртүчене кыйнап, машинасын урлаган өч яшүсмер хөкем ителәчәк

Бу хакта Татарстан прокуратурасы хәбәр итә.

Җинаять эше материалларыннан күренгәнчә, җинаять 2026 елның 15 февраленә каршы төндә килеп чыккан.

Исерек егетләр таксига утыралар һәм Боевая урамы 23 нче йорт янындагы тукталыш янында ир-атка һөҗүм итәләр. Таксистны җинаятьчеләр кыйнап, аның Haval Jolion машинасын урлаганнар.

Ниндидер мизгелдә руль артында утырган яшүсмерләрнең берсе идарәне югалткан һәм машина ауган. Яшьләр гаепләрен өлешчә таныган, эш судка җибәрелгән.

БЕЗНЕҢ МАКС КАНАЛЫНА ЯЗЫЛЫГЫЗ!