24 ноябрь 2025 Яңалыклар

Таксида балалар креслолары булуны закон белән ныгытырга тәкъдим иттеләр

Такси йөртүчеләрне автомобильдә балалар креслолары йөртергә мәҗбүр итәргә кирәк. Эконом-класста, кимендә, бер, ә комфорт-класста, кимендә, ике һәм аннан да күбрәк кресло булырга тиеш. Бу хакта демография, гаиләне һәм традицион кыйммәтләрне яклау буенча Иҗтимагый палата комиссиясе рәисе Сергей Рыбальченко әйтте дип яза «Татар-информ» ТАССка сылтама белән.

Аның сүзләренчә, балаларны иминлектә йөртү һәр такси өчен мәҗбүри шарт булырга тиеш.

Рыбальченко мондый таләпләрне закон дәрәҗәсендә ныгытырга кирәк дип саный. Аның сүзләренчә, балалар өчен креслолар, шул исәптән яңа туган балалар өчен дә креслолар булу нормаларын таксомотор хезмәтләрен лицензияләү кагыйдәләренә кертергә кирәк.

Хәзер бала белән бару өчен пассажирлар машинага махсус тариф буенча заказ бирергә яки балалар креслосы кирәк булуны алдан ук күрсәтергә тиеш. Юкса, автомобиль бустерсыз килергә мөмкин.

Баланы креслосыз йөрткән өчен 3 мең сум штраф гамәлдә. Ә сентябрьдә Дәүләт Думасы штраф суммасын 5 меңгә күтәрү турында закон проектын беренче укылышта кабул итте.

Бер яшькә кадәр балаларны автолюлькада, бер яшьтән җиде яшькә кадәрге балаларны креслога утыртып йөртәләр. Бары тик 12 яшьтән олырак һәм буйлары 150 сантиметрдан озынрак балалар креслосыз йөри ала.

Сүз уңаеннан, хәзерге вакытта Татарстанда «Юл хәрәкәте иминлеге» төбәк проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",