26 октябрь 2026 Яңалыклар

Тәлгать Таҗетдин мөселманнарга никахлашканчы бергә яшәү рөхсәт ителәме икәнен аңлатты

Никахны рәсмиләштергәнче мөселманнарның бергә яшәве рөхсәт ителми. Гаилә кору өчен дини тантана узарга да, ЗАГС органнарында мөнәсәбәтләрне теркәргә дә кирәк. Бу хакта Россия мөселманнарының үзәк диния нәзарәте башлыгы Тәлгать Таҗетдин хәбәр итте, дип яза «Татар-информ».

«Аңа кадәр (никах – Т.-и.искәрмәсе) уртак тормыш мөмкин түгел», – диде мөфти РИА Новости белән әңгәмәдә.

Таҗетдин никах вакытында ата-аналар һәм ике шаһитның катнашырга тиешлеген аңлатты. Мәчеттә дини йола үтәгәннән соң ир-ат һәм хатын-кыз ислам традициясе күзлегеннән ир белән хатын статусына ия булалар.

Шул ук вакытта мөнәсәбәтләрне дәүләт теркәвенә алу киләсе этапка әверелә. Әгәр дини тантана ЗАГСка керүгә кадәр уздырыла икән, пар никахлашуны теркәү өчен гариза бирүне раслый торган документ бирергә тиеш. Мөфти ассызыклаганча, уртак тормыш өчен ике шартны да үтәргә кирәк: дини никахлашу һәм мөнәсәбәтләрне законда билгеләнгән тәртиптә рәсми рәвештә теркәү.

Сүз уңаеннан, хәзерге вакытта Татарстанда «Гаилә» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга